[Noverint universi] quod nos Iacobus, [Dei gratia rex Aragonum, Maioricarum et Valencie, comes Barchinone et Urgelli et dominus Montispesulani], per nos et nostros damus, laudamus, concedimus et confirmamus vobis, fidelibus nostris universis populatoribus et habitatoribus de Sarrione, presentibus et futuris, quod habeatis, teneatis, possideatis et expletetis pro terminis vestris in perpetuum illos terminos qui de mandato nostro fuerunt vobis assignati per Garciam Petri de Rivo de Iroga et Ferrandum Petri Muynoz et Petrum de Domna Romea, a camino videlicet inferius, sicut vadit ad Pilam et usque ad Carrellum et usque ad rivum de Alchalano, tam citra rivum quam ultra, usque ad terminum More, sicut descendit rivus usque ad fontem del Babol et ab ipso fonte usque ad fondon de los Saguadedos et usque ad sumitatem campi et ad sumitatem pinarii et sicut descendit inde per cerrum in deorsum usque ad Villare Ficulnee et usque ad collatum de la Pila.

Mandantes senioribus, maioribusdomus et universis aliis officialibus et subditis nostris, presentibus et futuris, quod contra hanc donacionem et confirmacionem nostram non veniant nec aliquem venire permitant.

Datum Dertuse, XIIII kalendas aprilis anno Domini M. CC. L. septimo.