Nos Iacobus, [Dei gratia rex Aragonum, Maioricarum et Valencie, comes Barchinone et Urgelli et dominus Montispesulani], per nos et nostros enfranchimus et franchos et immunes facimus omnes et singulos iudeos comorantes in villa de Unocastello qui causa habitandi domos suas edificabunt in castro de Unocastello hinc videlicet ad tres annos completos primo continue venturos ab omni peyta, cena et quolibet alio servicio, de quibus nobis infra dictum tempus non teneantur respondere.

Eodem modo enfranquimus et franchos et immunes facimus omnes et singulos iudeos qui in predicto castro de Unocastello veniant populandum ab omnibus peytis, cenis et quibuslibet aliis serviciis regalibus, hinc videlicet ad quatuor annos primo continue venturos, ita quod, de predictis, nobis vel nostris nec alicui alii nostro nomine, non teneamini

respondere per totum spacium termini supradicti, immo sitis inde cum bonis vestris habitis et habendis liberi, quiti et penitus absoluti.

Datum Ilerde, XVI kalendas decembris anno Domini M. CC. L. nono.