Nos Iacobus, Dei gratia rex Aragonum, Maioricarum et Valencie, comes Barchinone

et Urgelli et dominus Montispesulani, concedimus vobis, fidelibus nostris zalmedinis, iuratis et toto concilio Cesarauguste, ac vobis mandamus quod faciatis et facere possitis iunctam cum hominibus illarum civitatum et villarum quas malueritis que circum adiacent ei civitati Cesarauguste, ut possitis vos defendere de illis qui vos offenderint vel offendere voluerint; permissa permittimus monitione, antequam damnum aliquod alicui faciatis.

Et si forte ad prosequendum appelitum vos exire opportuerit post aliquem factorem et ipse malefactor nobis fideiussorem sufficientem dederit de directo, volumus quod ipsum fideiussorem ab eo recipiatis, nisi eorum maleficio fuerit deprehensus; et si presumpserit quod predictus malefactor quem prosecuti fueritis, villam vel castrum aut in alium locum introierit, dominus illius loci dederit ad prosecutandum et perquirendum illum locum de quo suspicionem habueritis vel malefactorem vobis tradiderit, dominus illius loci ubi dictus malefactor inventum, si dominus fideiussorem nobis dederit de directo et querimoniis quas de ipso habueritis in persona vel rebus, damnum vel malum aliquod nullatenus faciatis, provisso tamen solicite et attente ne alicui vel aliquibus iniuriam vel forciam faciatis.

Datum Barchinone, VIIIª kalendas iulii anno Domini Mº. CCº. LXº. VIº.