Noverint universi quod nos Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispessulani, per nos et nostros laudamus, concedimus et confirmamus vobis universis habitatoribus de Mosqueruela, aldea Turolii, et vestris successoribus imperpetuum terminos illos qui per iudicem, alcaldes, iuratos et maiordomos, que tunc erant, et septem ordinatores, tunc constitutos de mandato nostro ad ordinandum populaciones Turolii, assignati fuerunt dicte aldee de Mosqueruela, cum carta facta prima die veneris iunii sub era millesima trecentesima tercia et sigillata sigillo dicti concilii Turolii, prout in ipsa carta plenius continetur.

Ita videlicet quod vos, habitatores de Mosqueruela predicti, et vestri successores imperpetuum habeatis et possideatis dictos terminos in dicta carta contentos, prout in ipsa plenius et melius continetur.

Mandantes firmiter iudici, alcaldis, iuratis et omnibus aliis officialibus concilii Turolii, presentibus et futuris, quod hanc concessionem et confirmationem nostram firmam habeant et observent et non contraveniant nec aliquem contravenire permitant aliqua ratione.

Datum Valencie, VIIº kalendas aprilis anno Domini millesimo CCº LXXº.

Signum + Iacobi, Dei gratia regis Aragonum, Maioricarum et Valencie, comitis Barchinone et Urgelli et domini Montispessulani.

(1ª col.) Testes sunt: Ferriçius de Liçana. (2ª col.) Garçias Urticii de Azagra. Bertrandus Guillelmi de Entença. (3ª. col.) Carrocius, dominus Rebolleti. Guilabertus de Crudiliis.

Sig+num Simonis de Sancto Felicio, qui, mandato domini regis predicti, hec scribi fecit et clausit loco, die et anno prefixis.