[Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispessulani; per nos et nostros] volumus et concedimus vobis universis et singulis hominibus ville Turolii et omnium aldearum eiusdem, presentibus scilicet et futuris, quod de cetero quilibet vestrum possit facere claperios, cavos sive madrigueras in qualibet hereditate

sua, tam in regadivo quam etiam in monte, in quibus vel a quibus cirogrilli possint procreari sive nutriri et nullus de nostri gratia confidens sit ausus venari sive caçare cum [...]rone nec modo aliquo capere cirogrillos dictorum clapariorum, cavorum sive madrigariarum, exceptis dominis ipsorum, quod qui fecerit penam LX solidos incurrat; de qua pena habeamus nos terciam partem et iudici et alcaldi Turolii aliam terciam partem et domino clapariorum sive madrigueriarum a quibus cirogrilli capti fuerint terciam partem aliam remanentem.

Mandantes iudicibus, alcaldis, iuratis et universis aliis officialibus, et cetera.

Datum Valencie, nono kalendas octobris anno Domini Mº. CCº. septuagesimo.