[Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani], per nos et nostros damus et concedimus tibi, Fortunio de Cascant, notario nostro, et tuis in perpetuum ad domos construendum, quandam plateam in qua hactenus solebat teneri mercatum lini, in loco vocato Moreria, sicut affrontat ex una parte in orto Iahudanni de Cavalleria, baiuli nostri Cesarauguste; et de alia in furno veteri vocato de los Balesteros; et de tercia parte in camino publico; et ex quarta parte in carraria que intratur ad corralem ubi venduntur "los cántaros".

Ita scilicet quod tu facias et construas in dicta platea domos et habeas ipsas in perpetuum franchas et liberas, teneas, possideas et expletetis tu et tui ad vendendum, dandum, impignorandum et alienandum et ad omnes tuas et tuorum voluntates inde penitus proprio faciendas, exceptis militibus, sanctis, clericis et personis religiosis.

Mandantes, et cetera.

Datum Barchinone, IIIª kalendas septembris anno Domini Mº CCº LXXº quinto.