Iacobus Dei gratia rex Aragonum, Maioricarum et Valencie, comes Barchinone et Urgelli et dominus Monstispesulani.

Dilectis fidelibus suis richis hominibus, militibus, ordinibus et universis et singulis aliis subditis nostris et fidelibus nostris regni Valencie, presentibus et futuris, ad quos presentes pervenerint, salutem et gratiam.

Noveritis nos vellem quod quilibet homines volentes aportare fustam ad civitatem Valencie, possit eam scindere minutam sive grossam, et facere scindi in quibuslibet locis regni Valencie, et apportare per rivum de Godalaviar et de Xuquer, et qualibet alia loca dicti regni, salve et franche ac libere, et sine contradictu alicuius persone, secundum quod in foro Valencie continetur.

Unde mandamus vobis firmiter et districte, quatinus visis presentibus, de cetero non faciatis dictis hominibus impedimentum aliquod vel contrarium in aportando fusta minuta vel grossa, quam aportare voluerit et apportabunt per terram vel per aquam; immo permittatis eos eam aportare franche et libere et sine aliqua ledda et pedagia, quam vel quod ab eis inde non petatis, cum leddam vel pedagium racione fuste secundum forum Valencie, nobis nec alicui non teneantur solvere ullo modo, pro ut in dicto foro continetur.

Scientes quod cum ipsi hoc ut dictum est ut possint facere secundum forum Valencie pro ut in eo foro plenius continetur; quicumque contra dictum forum in predictis eis molestiam aliquam fecerit et impedimentum, vel contrarium seu gravamen intulerit, iram et indignationem nostram incurreret.

Mandantes nichilominus firmiter et districte tenenti locum nostrum in supervintariis nostris regni Valencie, presentibus et futuris, quod dicta predicta servari faciant et teneri ut superius continetur, et dictos homines ipsam fustam aportantes vel aportari facientes, de cetero inde manuteneant et deffendant.

Datum in Algezira IIIº kalendas febroarii anno Domini Mº. CCº. LXº. septimo.