Noverint universi, quod nos Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani, per nos et nostros volumus et concedimus vobis, iurati et toti universitati civitatis Valencie, presentibus et futuris, et statuimus imperpetuum, quod iusticie Valencie quicumque illud fuerit, compellat et distringat consiliarios qui fuerint electi per vos iuratos predictos ad iurandum et faciendum sacramentum in posse nostro, quod fideliter consulatum vobis, secundum instrumentum a nobis concessum vobis et universitati predicte.

Item concedimus vobis et statuimus imperpetuum, quod ubi forus Valencie non sufficeret, quod vos iurati et consiliarii consulatis iusticie bona fide et sine enganno, si per eum inde fueritis requisiti, secundum equitatem et censum naturalem.

Et volumus et mandamus ac statuimus, quod consiliarii predicti teneantur venire coram vobis qualibet die et qualibet hora, ad requisicionem nostra vel nostri, ad dandum vobis consilium in quibus in eis in eos necessarios habueritis et eos dixeritis consulendos.

Quicumque vero consiliario negligens fuerit vel venire voluerit coram nobis, ex quo inde fuerit requisitus infra spacium temporis quo palmus candele ardebitur, incidiat ac accurrat in pena XII denariis quilibet die et qualibet vice quibus requisitus fuit fuerit seu vocatus, nisi hostendit iustam excusacionem.

Quam penam volumus et mandamus dari et aptandum pontes civitatis, per qua pena vos iurati predicti possitis compellere et pignorare consiliarios antedictos per vos vel nuncios vestros.

Volumus etiam et mandamus ac statuimus quod advocati non alligent in causis leges nec decreta nec decretales nisi tantum forum Valencie, et si fecerit solvat quilibet pro pena decem marchas argenti et privetur officio advocacionis.

Et si iusticie eos audiverit solvat similiter eandem penam et ab officio expellatur, quam penam ad reparationem dictorum pontum mandamus dari et similiter applicari.

Datum Valencie VIIIº idus iunii anno Domini Mº. CCº. septuagesimo.

Signum Iacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt Huguetus de Angularia, Guillelmus de Alcalano, Guillelmus de Castro Novo, Sancius Martini d.Oblitis, Petrus de Valimanya.

Signum Symonis de Sancto Felicio, qui mandato domini Regis predicti, hec scribi fecit et clausit loco et die et anno prefixis.