Noverint universi, quod nos Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani, per nos et omnes successores nostros in Aragonia et Catalonia, Maioricarum, Montepesulano, tam regno Valencie ac universo dominio et iurediccione nostra, quam alicubi nunch habemus vel in posterum nos et successores nostri, auxiliante Domino, habituri sumus, pro amore domini nostri Ihesu Christi et gloriose virginis Marie matris sue et remedio nostro, in perpetuum statuimus quod quicumque iudeus vel sarracenus Spiritus Sancti gratia fidem voluerit recipere orthodoxham, hac babtismi lauderum salutaris, libere et absque ullius contradiccione possit hoc facere, non obstante predecessorum nostrorum vel alicuius statuto, prohibicione vel pacto, vel etiam super obtenta consuetudine, ita quod propter hoc nichil bonis suis mobilibus ac semoventibus, que prius habeant amittant, immo secure ac libere habeat, teneat et possideat filiorum et filiarum, et inde proximorum conversi Dei fidei seu proximi nichil ipso vivente, set post mortes eius illud solum et nichil amplius petere valeant, quod si decessisset iudaismo vel paganismo petere racionabiliter potuissent; ut sicut tales ex hoc divinam gratiam promerentur, sic et nostram qui Deus voluntatem et beneplacitum imitari.

Datum Illerde, IIIto. idus marcii anno Nativitatis Domini Mº.CCº.XL.IIº.

Signum Iacobi Dei gratia rex Aragonum, Maioricarum et Valencie, comitis Barchinone et Urgelli et domini Montispesulani.

Testes sunt Petrus de Montechatheno, Guillelmus de Angularia, Raimundus Berengarii de Ager, Guillelmus de Montechateno, Berengarius de Angularia.

Signum Guillamoni Scribe, qui mandato domini Regis hec scribi fecit loco die et anno prefixis.