Noverint universi, quod nos Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani, per nos et omnes successores nostros prohibemus, concedimus et firmiter in perpetuum statuimus, quod nunquam in civitate Valencie et toto termino eius accipiatur ab aliquibus mercibus amplius quam inferius est scriptum, videlicet: carga grane donç III morabatinos alfonçinos, carigia cardacii II morabatinos, carga indii II morabatinos, carga argenti vivi II morabatinos, carga cere I morabatinum, caxia papiri IIIIor. solidos, carga cumini IIII solidos, carga arocii et amigdalarum III solidos, carga bituri et piscium salsorum II solidos et VI denarios, carga olea III solidos, carga lini et canabi et lautoni II solidos et VI denarios, carga cirogrillorum X solidos, centenarius cirigrillorum IIII denarios, carga danynis IIII solidos, vel centenarium ipsorum VI denarios, cordoanum vermell XII denarios pro duodena, cordovanum album VI denarios pro duodena, purpura duplex XII denarios, purpura cenar VI denarios, pecia cendati IIII denarios, bagadel I denarium, libra de seda IIII denarios, libra de mastuc II denarios, centenarium boquinarum V solidos, trachatorii bovum II solidos, carga lane et mellis XV denarios, carga piperis et sucre unum morabatinum, carga turis et lache, canelle, gingibris et clase I morabatinum, carga recalicie II solidos, carga roge et alcaruye et chiam, crupri, acer et stagni XX denarios, carga cotoni filat VI solidos, carga cotonis mapus III solidos, carga gale V solidos, carga aluminis albi et rubei IIII solidos, libra safrani VI denarios, arrova de azebib III obolos, quintarium ficuum III obolos, carga sacer et ferei XV denarios, quintalum plumbi V denarios, carga pagunte et de alquitra X denarios, flaciata I denarium, quintalum sabonis V denarios, carga vini et bladi III denarios, centenarium cordarum rotundarum IIII denarios, centenarium de cames III denarios, carga clade X denarios, carrica fabbarum III denarios, carga de mastech et de guma I morabatinum, carga de çufre, X denarios arrova de verdet II denarios, carga de seu V denarios, lancee, astee et ascone et ferrum et hacer, quod sit operatum, nihil donent, carga alquene XX denarii, carga de sosa X denarios, vestes alique et panni cisi et cusiti et pannum de lecto et alique res que veniant infra caxiam et aqua rosata et roudor et tan et carbo nichil donent, carga de fustet V denarios, arrova de nou de xadre IIII denarios, carga dorpiment IIII solidos, carga de martech V denarios, carga de alcoffoll V denarios, duodena multominarum II denarios, duodena de argures II denarios, duodena de ayinis adobats I denarium, omnis pannus de colore XII denarios, pannus de ynsula II denarios, berregani et panni albi Narbone VI denarios pro pecia, panni de natura draperie Illerde IIII denarios pro pecia, bala sarcii III solidos, bala fustaneorum IIII solidos, quelibet pecia fustaneorum I denarium, tela de renis et de tries, ex quo sit integra XII denarios, pro qualibet alia tela I denarium, canonus auri filati I denarium, carga de sagi X denarios, pecia de alquite et de berregans IIII denarios, caballus qui transeat causa vendendi I morabatinum, et si venditur in civitate XII denarios, muli et runcini IIII denarios, boves et asini III denarios, multones, porci, capre, yrci, II denarios, sarracenus qui transeat per mare vel per terram I bisancium, saracenus de redempcione II bisancios et dimidium, caballi muli et roncini qui causa vendendi intrent terram sarracenorum IIII laurecios.

Iure vel occassione naufragii a navibus et buciis, galeis, taridis, galiotis, sanguinis et quibuslibet aliis barquis et lignis, quocumque nomine nominentur, et rebus et mercibus et omnibus undecumque fuerint, extraneis et privatis et rebus eorum que ex maris vel aque periculo vel tempestate ribaverint infra terminum regni Valencie et civitatis aliquid a nobis vel nostris vel aliquibus aliis nunquam exigatur, vel accipiatur nec detur, et si occupata fuerint, restituantur libere dominis rerum, navell et galee qui intrabunt Ispaniam causa cursus, cuiscumque iurisdiccionis et terre sunt, tam nostre quam aliene, dum tamen non sunt habitatores regni Valencie, si fecerint encantum in aliquo loco regni Valencie, donent XX morabatinos alfonsinos et unum sarracenum de melioribus, ligni de una tira X morabatinos et unum saracenum de melioribus, barcha de XVI remis usque ad XXX remos V morabatinos tantis, barcha de XVI remis inferius III morabatinos tantum et quantumcumque apportaverint aut paruma ut multum, predicta in perpetuum observentur.

Tamen habitator civitatis et regni Valencie a predictis omnibus sit et in perpetuum est liber et inmunes.

Non accipiatur ab aliquo vel aliquo in civitate Valencie vel toto termino eius pedaticum, leçda, portaticum, pensum, mensuraticum vel ribaticum, qui iuraverint habitacionem civitatis vel ibi habuerint uxorem sui capud manus tenuerint, nec eciam ab illis qui venerint causa habitandi Valencia, accipiatur pedaticum sive leçda in aliquo loco regni Valencie in quo de rebus quas ad opus sit duxerint dum modo iurent cum fuerint in civitate vel loco regni Valencie in quo ipsos habitare oportuerit, staticam civitatis vel loci et nisi iurare noluerint, solvant leçdam et omnes merces et quelibet alie res de quibus detur pedaticum habeant returnum integrum et plenum.

Returnus est et dicitur et esse volumus, quod si extraneus vendiderit vel miserit in civitate vel aliquo loco regni res de quibus det pro pedatico X solidos, levet et retineat alios decem solidos de eo quod inde extraxerit vel extrahi fecerit vel emerit, et sic secundum maius et minus quod pro pedatico detur imperpetuum observetur.

Barchium et quelibet alia ligna, quocumque nomine nominentur et que transeant per mare civitatis Valencie et regni, habeant returnum de toto de quanto dederint pedaticum a die qua solvitur pedaticum infra unum annum detur returnus.

Illis qui extra terminum civitatis sunt habitatores, si duxerint in civitatem aliqua preparasse, fecerint ea in civitate choria, quibus preparatis, ea inde extraxerint, dummodo ea ibi non vendant, non donent pedaticum nec de illis coriis.

Non donent extraneus aliquis leçdam de aliquibus mercibus et rebus quas emerit infra civitatem, si eas in civitate vendiderit.

Filatum de lana et de lino et de stupa non donent pedaticum neque lecda.

Predicta omnia et singula supra scripta, pro ut in hoc instrumento sunt ponita, et statuta et ordinata, concedimus et laudamus et per nos et nostros imperpetuum statuimus valitura et firma.

Datum Valencie VIIIº kalendas octobris, anno Domini Mº. CC. XL. III.

Signum Iacobi Dei gratia rex Aragonum, Maioricarum et Valencie, comitis Barchinone et Urgelli et domini Montispesulani.

Testes sunt, Eximinus de Tovia, R. Loyn, G. de Materono, Eximinus Petri, P. Ruiç de Casp, Alto de Focibus.

Signum Guillelmi scribe, qui mandato Regis hec scribi fecit loco die et anno prefixo, cum raso et emendato in XIª línea, ubi dicitur vinum, et cum supraposito in XXIª línea ubi dicitur decem.