Noverint universi, quod nos Iacobus, Dei gratia rex Aragonum, Maioricarum et Valencie, comes Barchinone et Urgelli, et dominus Monstispesulani, per nos et omnes successores nosotros promittimus, concedimus et convenimus bona fide, quod nunquam de cetero aliquis iudeus sit baiulus vel subbaiulus, vel vicarius vel subvicarius, iusticie, curia vel iudex in toto regno Valencie, nec teneant vel habeant aliquod officium publicum vel aliquam iurisdiccionem.

Datum Osche, IIIIto. Kalendas octobris anno Domini Mº. CC. Lº. primo.

Signum Iacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt Bernardus Guillelmus de Entença, Eximinus Petri de Arenos, Petrus Cornelli, Carrocius Alaman, Artaldus de Focibus.

Signum Guillelmi Scribe, domini Regis notarii, qui mandato ipsius hec scribi fecit loco die et anno prefixis.