Noverint universi, quod nos Iacobus, Dei gratia rex Aragonum, Maioricarum et Valencie, comes Barchinone et Urgelli et dominus Montispesulani, per nos et nostros statuimus imperpetuum in civitate et toto regno Valencie, quod vicinus in pariete medio, qui vicini sui stillicidia receperit in domum sive locum suum, possit stillicidia removere, quando parietem vel hedificium fecerit vel reparaverit, et supra ipsa parietem hedificandi in quantum voluerit elevare, dummondo ad expensas suas vicinus operans vel hedificans faciat aliquam stillicidii discurrere in viam, si in via aqua exire poterit, alioquin donet locum aque stillicidii per quem sine incomodo vicini domini stillicidii exire possit.

Vicinus etiam médium parietem possit ex toto removere et illum hedifficare, in vico vicino, et elevant quantum voluerit et relinquat lumina et fenestras aptas, si ibi antique et prescripte sint; et alius vicinus possit inmittere tignum vel cooperturam eo loco et altitudine ubi primitus erat, et non teneatur ponere in expensis circa parietem illum, nisi usque ad illum locum ubi tingum vel cooperturam inmiserit factis.

Si vero in superiori novo pariete vellet cooperire vel aliter hedificare, possit hoc facere, dummodo solvate primitus medietatem expense et operis a principio fundamenti facte usque ad locum quo edificaverit, cooperuit vel hedificatus fuerit, omni excusacione remota, omnes nobiles et milites, clerici et religiosi, cives et quecumque alia persona, quantecumque dignitatis sit, ad construccionem et reparacionem murorum et vallis, construcciones, reparacionem et mundacionem et ad instrucciones et mundaciones viarum publicarum et pontium et civitatis custodiam et mundacionem cequiarum et braçallorum et ad prestandum cequiaticum de suo conferre teneantur, cum non sint predicta inter sordida munera numerata.

Vinee et hereditates que possunt regari donent cequiaticum, licet domini ipsarum vinearum et hereditatum aque accipere ad rigandum voluerint.

Et si quis aliqua loca possidet, que non consueverint actenus rigari, si voluerit illa loca redire ad agriculturam, posit illa rigare absque alicuius prohibitione, et donet inde cequiagium, secundum tenorum aliorum vicinorum ipsius cequie.

Datum Cesarauguste, XIIIº kalendas iulii anno Domini Mº. CCº. Lº. primo.

Signum Iacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt Artallus de Luna, Eximinus de Focibus, Petrus Cornelli, Guillelmus Romei, Sancius de Antilone.

Signum Petri Andree qui mandato domini Regis pro Guillelmo de Belloloco notario suo hec scribi fecit loco et die et anno prefixis.