Noverint universi, quod nos Dei gratia Iacobus, rex Aragonum, Maioricarum et Valencie, comes Barchinone et Urgelli et dominus Monstispesulani, per nos et nosotros statuimus imperpetuum, quod siquis in civitate vel alio quolibet loco regni Valencie in suo testamento vel ultima voluntate sua, eligaverit vel dimiserit, vel si mulier collocaverit se in matrimonio alicui, dando viro suo rem censualem vel de qua detur certum tributum vel certum servicium vel certa pars fructuum vel reddituum vel pensio aliqua, vel si pater vel mater vel ambo insimul, vel tutor pupilli vel pupille, colocando filios vel filias, pupillos vel pupillas alicui in matrimonio, dederit vel in dotem vel donatione vel propter nupcias rem censualem, quam pro alio teneant vel aliqua de predictis certo precio apreciata vel non apreciata, nec teneantur domino Regi vel alicui alii faticam facere neque laudimium inde dare.

Datum Çaydie, VI kalendas iulii anno Domini Mº. CC. Lº. primo.

Signum Iacobi Dei gratia regis Aragonum, Maioricarum et Valencie, comitis Barchinone et Urgelli et domini Montispesulani.

Testes sunt Ferriçius de Liçana, Bernardus de Tornamira, Bernardus Guillelmus de Entença, Sanccius d. Antillo, Atto de Lesu.

Signum Arnaldi de Ulmo, qui mandato domini Regis pro Guillelmo de Pulcroloco eius notarii, hec scripsit loco die et anno prefixis.